Xiriirka Taliban iyo Al-Qacida oo wali xooggan ka dib heshiiskii Mareykanka

Xiriirka u dhaxeeya Taliban, gaar ahaan laanteeda Shabakadda Haqqani iyo Al-Qacida ayaa weli ah mid dhow, waxaa sidaa shaaciyey guddi madax-banaan oo QM ka tirsan, inkasta oo uu jiro heshiiskii Mareykanka iyo Taliban, ee Washington ay fileysay inuu soo afjari doono xiriirka.

“Taliban waxay si joogta ah ula tashanayeen Al-Qacida intii uu socday wada-xaajoodka Mareykanka, waxayna siiyeen damaanad qaad ku aadan inay ilaalin doonaan xiriirkooda taariikhiga ah,” ayaa lagu yiri warbixinta guddiga QM oo loo gudbiyey Golaha Ammaanka.

“Guusha heshiiska waxay ku xirnaan doontaa sida Taliban ay uga go’an tahay inay ku dhiiri-geliyaan Al-Qacida inay joojiyaan dhaq-dhaqaayadooda Afghanistan,” ayaa lagu yiri warbixinta kooxda QM ee kormeerka cunaqabateynta Afghanistan.

Warbixinta ayaa sidoo kale lagu sheegay in haddii Taliban ay ixtiraamto heshiiska ay keeni karto in kooxda ay u kala qeybsanto laba garab oo kala ah mid raacsan Al-Qacida iyo mid kasoo horjeeda.

LEAVE A REPLY

Please enter your comment!
Please enter your name here